चन्द्रनिगाहपुर स्थित संकल्प साकोसको आयोजना तथा सिभिल हस्पिटल प्रा लि चन्द्रपुर ४ को प्राबिधिक सहयोगमा निःशुल्क स्वास्थ्य शिविर सम्पन्न भएको छ । संस्थाले मंगलबार परेको ११२ औ नारी दिवसको अबसरमा चन्द्रपुर ७स्थित रहेको नया बस्ती कटानिको जनता आधारभुत बिधालयमा निशुल्क स्वास्थ्य शिबिरको आयोजना गरेको हो ।

---

 स्वास्थ्य शिविरको उदघाटन चन्द्रपुर नगरपालिका वडा नम्वर ७ का वडा अध्यक्ष बिष्णु प्रसाद उप्रेतीले गरेका छन् । सो अवसरमा सस्थाका संचालक ,कर्मचारी ,नागरिक समाजका ब्यक्तित्वहरुको उपस्थिति रहेको थियोे ।शिविर बिहान १० बजे देखि अपरान्ह ४ बजे सम्ममा तीनसय ७० जना लाई विभिन्न रोग सम्बन्धि सेवा प्रदान गरिएको कार्यक्रमको आयोजक संस्थाले जनाएको छ । चन्द्रपुर नगरपालिकाको अति विपन्न जनसमुदायको बस्तीको बसोबासको रूपमा परिचित रहेको उक्त बस्तीमा संस्थाले प्रदान गरेको सेवा बाट अधिकांस लाभान्वित भएका छन् । सेवाग्राहीले घरआगनमा आएर सेवा दियकोमा संकल्प साकोस लाई धन्यवाद दिँदै यस्ता किसिमका सामाजिक कार्यमा संस्थाको भूमिका महत्वपूर्ण र कार्यक्रम फलदायी भएको प्रतिक्रिया दिएका छन् । आयोजक सस्थाले प्रत्येक बर्ष सामाजिक उत्तरदायित्व महसुस गरेर निरन्तर चेतनामूलक ,तथा सेवामुलक कार्यहरू गर्दै गराउँदै आएको संस्थाका अध्यक्ष विभु पोख्रेलले बताए।

---

---

  सो एक दिवसीय स्वास्थ्य शिविर उद्घाटन कार्यक्रममा चन्द्रपुर नगरपलिकाका सहकारी फाटका नेसरे आलम,सिभिल हस्पिटल प्रा लि चन्द्रपुर ४ का संचालक राजन साह ,उपस्वास्थ्य चौकी बनबहुवरीका बिजय तिवारी लगायतको आतिथ्यता रहेको थियो । उक्त शिविर सस्थाका अध्यक्ष बिभु पोखरेलको अध्यक्षतामा भएको उद्घाटन कार्यक्रम सस्थाका सचीव कुल बहादुर थापाले सञ्चालन गरेका थिए ।

---

---

---

---