प्राइम खबर संबाददाता | मंसिर १६, २०७८ बिहिबार
नेपाली कांग्रेस रौतहट क्षेत्र नं-४ को सभापति पदका लागि बुधबार भएको मतदानको मतगणना सकिएको छ । संस्थापन पक्षका उम्मेदवार प्रेम शंकर यादवलाई चुनावी प्रतिस्पर्धामा पराजित गर्दै इतर पक्षका राम स्नेही राय यादव क्षत्रिय सभापति पदमा बिजयी भएका छन् । क्षेत्रीय सभापति पदका लागि राम स्नेही राय यादव र प्रेम शंकर यादवले उमेदवारी दिएका थिए ।
बुधबार रौतहटको बृन्दावन-६ हर्षाहाको बतहु माविमा मतदान भएको थियो । कुल ४ सय ९३ मत खसेकोमा २ सय ५७ मत हासिल गरी सभापति यादव विजयी भएका हुन । उनका निकटतम प्रतिस्पर्धी प्रेम शंकर यादवले २ सय ३७ मत प्राप्त गरेका छन् ।
सभापति यादव सँगै उनको प्यानल नै विजयी भएको छ । यस्तै महाधिबेसन प्रतिनिधिहरूको समेत एकमुष्ट भएको निर्वाचनमा इतर पक्षकै वर्चस्व रहेको चन्द्रपुर ५ का वडा सभापति कल्याण कल्याण कार्कीले बताए ।
खुल्ला महाधिबेसन खुल्ला प्रतिनिधिमा रौतहट ४ का संघीय सांसद देव प्रसाद तिमल्सीना, मिथिलेश कुमार मिश्र, नवराज देवकोटा,सुबाश कोइराला, सूर्य बहादुर थापा, देबराज कार्की,सञ्जय कार्की,रामचन्द्र चौधरी, पवन कुमार राय यादव र राम कृष्ण चौधरी रहेका छन् ।
यस्तै महिला महाधिबेसन प्रतिनिधिहरुमा सरस्वती गिरी, तारादेवी सापकोटा , सविता लामा र गितादेवि भारती रहेका छन् । खस आर्य कोटामा संस्थापन पक्षका सुबाश कोइरालालाई १३ मतले उछिन्दै इतर पक्षका केदार बहादुर थापाले विजय हासिल गरेका छन् ।
समावेशी महिला अन्तर्गत सन्ध्या देवी र मिसरुल खातुन विजयी भएका छन् भने मधेशी प्रतिनिधिमा अशोक कुमार कुशवाहा र गोविन्द कुमार साह विजयी भएका छन् ।यस्तै दलित महिला र पुरुष प्रतिनिधिमा क्रमशः समुन्द्री देवी र आशा राम विजयी भएका छन् भने थारुमा जित्रेन्द्र चौधरी र। मुस्लिम प्रतिनिधिमा शेख अमिरुल बिजयी भएका छन् ।
क्षेत्रीय सभापतिमा निर्वाचित भएपछि सञ्चारकर्मी सम्म संक्षिप्त प्रतिक्रिया दिँदै सभापति यादवले “यो जीत मेरो नभई तमाम नेपाली कांग्रेसका नेता कार्यकर्ताको जीत हो उहाँ हरुले मलाई जिम्मेवारी सुम्पिनुभएको छ यो जिम्मेवारीलाई म जिम्मेवारीपूर्वक पार्टी र संगठनको हितमा लगाउने छु” भन्ने बताएका छन् । उनको भनाइ अनुसार “ निर्वाचन एउटा प्रक्रिया मात्र भएको हुँदा यसमा आन्तरिक लोकतन्त्रको अभ्यास आम नेता कार्यकर्तामा प्रस्तुती हुने हुँदा व्यक्ति जो सुकै होस् त्यो कुरा गौण हुन्छ जसले जित्दा पनि एउटा कांग्रेस नै विजय हुने हुँदा सबैलाई समेटेर विचार र सिद्धान्तको राजनीतिमा लाग्ने प्रतिबद्धता जनाउन चाहान्छु “ नव निर्वाचित सभापति यादवले बताए ।
भदौ ११, २०८२ बुधबार
भदौ ११, २०८२ बुधबार
भदौ ११, २०८२ बुधबार
भदौ १०, २०८२ मंगलबार
भदौ ५, २०८२ बिहिबार
साउन ३२, २०८२ शनिबार
