प्राइम खबर संबाददाता | मंसिर ४, २०७८ शनिबार
नेपाली कांग्रेसको १४ औं महाधिवेशन अन्तर्गत रौतहटको चन्द्रपुर नगरमा सभापति सहित इतर पक्षको पुरै प्यानल निर्वाचित भएको छ । सभापतिमा मुकेश गिरी निर्वाचित भएका हुन् । उनले १ सय २९ मत प्राप्त गरे । उनका निकटतम प्रतिस्पर्धी संस्थापन पक्षका अजय कुमारले ३७ मत प्राप्त गरेको मतदान अधिकृत देव नारायण हुमागाईंले जानकारी दिएका छन् ।
यस्तै उपसभापतिमा इतर पक्षका सन्तलाल कुष्वार र भैरव चौधरी निर्वाचित भएका छन । कुश्वारले १ सय ३२ र चौधरीले १ सय मत प्राप्त गरे। उनका निकटतम प्रतिस्पर्धी जनकराज भारतीले ५९, बोधन बछारले २३ मत प्राप्त गरे।
सचिवमा निर्वाचित भएका इतर पक्षकै गणेश प्रसाद चौलागाईले १ सय ३१ र अजय कुमार चौधरीले १ सय २३ मत ल्याए । उनका निकटतम प्रतिस्पर्धी प्रकाश तिमल्सिनाले ३६ र विश्वदीप चौधरीले २६ मत ल्याए । यसैगरी सहसचिवमा निर्वाचित भएका इतर पक्षकी पार्वती मैनाली (सापकोटा) ले १ सय ३३ र ठगेन्द्र प्रसाद कोइरालाले १ सय ३० मत प्राप्त गरे । उनका निकटतम प्रतिस्पर्धी जितन स्माइलीले २८ र प्रवेश पटेलले १६ मत ल्याए ।
चन्द्रपुर नगर समितिको सदस्य पदहरूमा सर्वसम्मत उम्मेदवार चयन भएका भएतापनि १० वटा वडा रहेको चन्द्रपुरमा वडा नंबर २,४,५,८ मा भने सदस्य पदको लागि चुनावी प्रतिस्पर्धा रहेको थियो ।
चुनावी प्रतिस्पर्धाबाट वडा नंबर २ बाट राजेन्द्र चौधरी र प्रभात कुमार बम्जनले जीत हात पारेका छन् । यसैगरी वडा नंबर ४ बाट विजय कार्की र कमल कुष्वार विजयी हुँदा वडा नंबर ५ मा बन्ती कुमार पाण्डे र चूडामणि चालिसे विजयी भएका छन् । यस्तै, वडा नम्बर ८ बाट सदस्य पदमा धु्रव पराजुली र विनोद आचार्य भारी मतान्तरले विजयी भएका छन् ।
शुक्रबार भएको निर्वाचनको बेलुकी अबेरसम्म मतपरिणाम को पर्खाइमा बसेका कांग्रेस कार्यकर्ताहरु निकै उत्साहित देखिएका थिए । निर्वाचनबाट भारी मतान्तरले विजयी भएका नवनिर्वाचित सभापति गिरीले छोटो प्रतिक्रिया दिँदै “यो जीत कुनै अन्तर पार्टी बीचको विजय नभई आफ्नै पार्टीको आन्तरिक चुनाव प्रजातान्त्रिक अभ्यास मात्र भएको हुँदा अबिर जात्रा गरी हो – हल्ला एबम् नाराबाजी को पक्षमा आफू नरहेको हुँदा त्यसो नगर्नु” उनले बताए ।
निर्वाचन एउटा विधि र पद्धति भएको हुँदा त्यसको पालना गर्नु कांग्रेस नेता कार्यकर्ताको धर्म भएको बताउँदै सभापति गिरीले निर्वाचनमा आफूलाई विश्वास गरी अमूल्य मत प्रदान गर्ने सम्पूर्ण क्षेत्रीय प्रतिनिधिहरूलाई विशेष धन्यवाद समेत दिएका छन् । उनी भन्छन “ तपाईहरुको मतको कदर गर्नेछु कांग्रेसलाई एक ढिक्का बनाई चन्द्रपुर नगरमा सबै भन्दा बलियो पार्टी संगठन निर्माण गर्न लाग्नेछु र आफ्नो कार्यकालमा कांग्रेसलाई नगरको प्रत्येक वडाको तह तहमा कांग्रेसमय बनाउन मेरो पुरै पहलकदमी हुनेछ” ।
नेपाली कांग्रेसको राजनीतिमा निकै सक्रिय रूपले लागि परेका सभापति गिरी नेतृत्वमा आएसँगै समग्र नगरका कांग्रेस कार्यकर्तामा जोश एबम् जागर पैदा भएको अनुभूति प्राप्त भएको वडा नंबर ६ का लोकप्रिय नेता एबम् वडा सभापति समेत रहेका नेत्र कुष्वार बताउँछन् ।
भदौ ११, २०८२ बुधबार
भदौ ११, २०८२ बुधबार
भदौ ११, २०८२ बुधबार
भदौ १०, २०८२ मंगलबार
भदौ ५, २०८२ बिहिबार
साउन ३२, २०८२ शनिबार
