प्राइम खबर संबाददाता | साउन ३२, २०८२ शनिबार
रौतहट । लामो समयदेखि केन्द्र र प्रदेशमा आवद्धता पाउन नसकेको चन्द्रपुर नगर उद्योग वाणिज्य संघले अन्ततः सिफारिस पाएको छ । रौतहट उद्योग वाणिज्य संघको सिफारिस नपाएकै कारण विगत १० वर्षदेखि नेपाल उद्योग वाणिज्य महासंघको केन्द्रीय कार्यालय र मधेश प्रदेश उद्योग वाणिज्य संघमा आवद्धता हुन नसकेको चन्द्रपुर नगर उद्योग वाणिज्य संघले यसपालि ठूलो उपलब्धि हासिल गरेको हो ।
रौतहट उद्योग वाणिज्य संघका नवनिर्वाचित अध्यक्ष रवीन्द्रनाथ गोपालीले बोलेको बाचा पूरा गर्दै आवश्यक सिफारिस उपलब्ध गराएपछि अब चन्द्रपुर संघलाई महासंघमा औपचारिक रूपमा समावेश हुने बाटो खुलेको छ ।
सिफारिस पत्र हस्तान्तरण कार्यक्रममा चन्द्रपुर नगर उद्योग वाणिज्य संघका अध्यक्ष उदय नारायण सापकोटाले अध्यक्ष गोपालीप्रति धन्यवाद ज्ञापन गर्दै भने, “हाम्रो संघ विगत एक दशकदेखि आवद्धता विहीन अवस्थामा रहँदै आएको थियो । यसले संघको गतिविधि विस्तार गर्न कठिनाइ भएको थियो । तर, अध्यक्ष गोपालीज्यूले वाचा पूरा गरेर अब हामीलाई केन्द्र र प्रदेशमा जोड्ने बाटो खोलिदिनुभयो । हामी उहाँलाई हार्दिक आभार व्यक्त गर्दछौं।”
चन्द्रपुर संघले यसअघि संघीय र प्रादेशिक निकायहरूसँग सहकार्य गर्न नसक्दा व्यापारी हितका आवाजलाई बलियो ढंगले प्रस्तुत गर्न कठिनाइ हुँदै आएको थियो । अब भने संघले व्यापारीका समस्या र नीतिगत मागलाई प्रभावकारी रूपमा अघि बढाउन सक्ने विश्वास व्यक्त गरिएको छ ।
कार्यक्रममा संघका पदाधिकारी, सदस्य र व्यापारीहरू उपस्थित रहेका थिए ।
अध्यक्ष सापकोटाले रौतहट उद्योग वाणिज्य संघका नब निर्बाचित अध्यक्ष गोपालीलाई हार्दिक बधाई दिँदै सफल कार्यकालको शुभकामना समेत व्यक्त गरेका छन् ।
यससँगै चन्द्रपुर नगर उद्योग वाणिज्य संघ अब नेपाल उद्योग वाणिज्य महासंघको केन्द्रीय संरचना र मधेश प्रदेश उद्योग वाणिज्य संघमा आवद्ध भएर व्यापारी हकहितका कार्यक्रमलाई अझै सबल बनाउन सक्ने विश्वास व्यवसायीहरुको रहेको छ।
साउन ३१, २०८२ शुक्रबार
साउन ३१, २०८२ शुक्रबार
साउन ३१, २०८२ शुक्रबार
साउन २२, २०८२ बुधबार
साउन २१, २०८२ मंगलबार
